منتديات كلميمة
مرحبا بك عزيزي الزائر. المرجوا منك أن تعرّف بنفسك و تدخل المنتدى معنا. إن لم يكن لديك حساب بعد, نتشرف بدعوتك لإنشائه

منتديات كلميمة


 
البوابةالرئيسيةالتسجيلدخول
منتديات كلميمة 5 ترحب بكم فأهلاً بك في هذا المجلس المبارك إن شاء الله ونرجوا أن تفيد وتستفيد منـا وأهم شي تسعد معانا وشكـراً

شاطر | 
 

 الزواج عام 2020

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
majido62
المدير
المدير
avatar

ذكر الثور عدد المساهمات : 361
تاريخ التسجيل : 24/10/2009
العمر : 23
الموقع : www.majido62.skyrock.com
الهواية : تلميد

مُساهمةموضوع: الزواج عام 2020   الإثنين نوفمبر 16, 2009 8:27 am

الزواج عام 2020


برن جرس الباب بروح صاحب البيت يفتح بلاقي الجماعة جايين على

الموعد بالزبط، الجماعة اللي همّه الشاب واسمه “سمير” وإمه وأبوه، جايين

يخطبوا البنت واسمها “سارة”… برحّب فيهم أبو سارة، وبعد السلام

والكلام ومرحبا فيكم وكيف الحال، وبدور الحوار التالي:


أبو سارة: ها يا سمير، شو بتشتغل؟


سمير: انا بشتغل في مجال الانترنت.


أبو سارة: مُبرمج يعني؟ ما شاء الله.. ممتاز.


سمير: لا يا عمّي انا مش مبرمج.


أبو سارة: أكيد مُصمّم غرافيك إذا هيك.. هاد المجال إلو مستقبل كبير.


سمير: لا عمّي انا حاليا مشرف منتدى الأغاني في موقع “كراكيب دوت

كوم” وقريباً رح أمسك إشراف منتدى المسلسلات التركية في موقع

“سلامتك من الهسهس دوت نت”.


أبو سارة: مشرف كيف يعني؟


سمير: يعني انا بضيف مواضيع وبحط أغاني وبعمل اشتراكات بأسماء وهمية

عشان أحرّك المنتدى وهيك يعني.



أبو سارة: والله منا فاهم شي.. يعني كم بدفعولك بالشهر في هاد الشغل؟


سمير: لا يا عمّي أنا اللي بدفع لصاحب المنتدى عشان أصير مشرف..

بس قريباً رح أفتتح المنتدى الخاص تاعي.


أبو سارة: ومنتداك الخاص وين راح يكون مكتبه؟


سمير: حالياً من البيت ولما الله يفتحها علينا بستأجرله مكتب.


أبو سارة: وهاد المنتدى شو راح تستفيد منّو؟


سمير: كيف شو أستفيد منّو..؟!.. انا رح أفتح المنتدى وأحط فيه


برامج ومسلسلات وألعاب والأعضاء راح يشتركوا فيه ويصير منتدى
مشهور جداً.


أبو سارة: يعني العضو كم بدفع اشتراك؟


سمير: لا يا عمّي.. العضو ما بدفع اشتراك.. أنا بدفعله عشان يشترك.


أبو سارة: لا حول ولا قوة إلا بالله.. يعني مصدر رزقك من وين يا ولد؟


سمير: لمّا يكبر المنتدى وأنشره على فيس بوك راح تيجيني إعلانات

بالهبل.


أبو سارة: والله منا فاهم شي.. طيب انتا محوّش كم؟


سمير: أنا يا عمّي وما بدي أخبّي عليك، عندي حاليا 99 دولار في Google Adsense
ووعدوني يبعتولي الشيك بعد شهرين ورح يكون وضعي المادي ممتاز،

حتى اذا بدك بجيبلك براءة ذمة من Paypal.


أبو سارة: الله يقضّي هالليلة على خير بس.. طيب انتا من وين بتعرف

سارة بنتي؟


سمير: تعرفت على سوسو بالـ Facebook، وكنا نبعت مسجات

ونعمل لبعض poke أحيانا..


أبو سارة: ويعني معرفة النت بتكفي انك تيجي تخطبها؟


سمير: آآآه يا عمّي.. ما انتا مش عارف.. انا جبت 80% في الـ quiz تاع سوسو.


أبو سارة: شو هاد الـ كويز؟


سمير: معقول يا عمي ما بتعرف كويز Do you know me?

على Facebook؟


أبو سارة: لا بعرفوش.. وبعدين مين هاي سوسو؟


سمير: يا الله يا عمي.. معقول كمان ما بتعرف انو سارة اسمها سوسو على Facebook؟


أبو سارة: لا بعرفش انو سارة اسمها زفت.


سمير (بكل بُرود): انتا زعلت يا عمي؟


أبو سارة (بعصبية): بتعرف اذا ضليت قدامي كمان 10 ثواني شو بعمل

فيك؟


سمير (بإبتسامة غبية): أكيد بدك تضيفني على facebook

وتكتبلي على الـ wall تاعي، صح؟


أبو سارة: براااااااااااااااا.
الرجوع الى أعلى الصفحة اذهب الى الأسفل
 
الزواج عام 2020
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات كلميمة :: المنتديات الترفيهية :: منتدى النكت والالغاز-
انتقل الى: